Uncategorized

11ኛው ዙር የሶሪያ ሰላም ውይይት በካዛኪስታን እየተካሄደ ነው

 

አዲስ አበባ ፣ህዳር 19፣2011 (ኤፍ.ቢ.ሲ) ለ11ኛ ጊዜ የሚካሄደው የሶሪያ የሰላም ውይይት መድረክ በዛሬው ዕለት በካዛኪስታን ዋና ከተማ አስታና ተጀምሯል።

በውይይት መድረኩም የሩሲያ መንግስት ፣ የሶሪያው ፕሬዚዳንት ባሻር አላሳድ ተወካዮች እና የተለያዩ አካላት መታደማቸው ነው የተገለፀው።

በዚህ መድረክም በሶሪያ የሚሻሻለውን አዲስ ህገ መንግስት ማርቀቅ የሚችል ኮሚቴ የሚቋቋም መሆኑን በሶሪያ የሩሲያ ፕሬዚዳንት ልዩ መልዕክተኛ አሌክሳንደር ላቭረንቲቭ ተናግረዋል።

ከዚህ  በተጨማሪም በሶሪያ ሰሜን ምዕራብ ግዛት ኢድሊብ አካባቢ ባለው የሰላም ሁኔታ፣በስደተኞች  ላይ በሚከሰቱ ችግሮች ዙሪያና ሽብርተኝነትን በጋራ መካላከል በሚቻልባቸው ሁኔታ ላይ ሰፊ ውይይት  ይካሄዳል ተብሏል።

ከዚህ ባለፈም በሶሪያ መንግስትና በተቃዋሚ ፓርቲዎች አማካኝነት የታሰሩ፣የጠፉ እና የተደፈሩ ሰዎችን የሚያጣራና የሚመረምረውን ቡድን የስራ አፈፃፀም ይገመገማል ነው የተባለው።

አጣሪ ቡድኑ በሀገሪቱ  በሁለቱ  አካላት በኩል የሚፈፀመውን ሰብዓዊ መብት ጥስት ለመቆጣጠር በቱርክ ፣በሩስያ ፣በኢራን እና በተባበሩት መንግስታት ድርጅተ የተቋቋመ መሆኑ ይታወሳል።

በአውሮፓውያኑ አቆጣጠር በ2011 ላይ  በጀመረው የሶሪያ እርስ በርስ ጦርነት በርካታ ሰዎችን ለሞትና ለስደት መዳረጋቸውን መረጃዎች ያመላክታሉ።

የአለም ሃያላን ሀገራት ጎራ ይዘው የጦርነቱ አካል መሆናቸው ደግሞ ሀገሪቱን ወደ ለየለት የጦርነት ቀጠና ሊያስገባት መቻሉ ይነገራል።

 

ምንጭ፦አናዶሉ

Source: fana bc

abu hanya
Founder of Al Nejash Media is a journalist(MA), with more than 9 years of professional career
http://www.alnejashmedia.com

Leave a Reply

Your email address will not be published. Required fields are marked *